Well-Being Sessions with Mind (Cwm Taf Morgannwg)/Sesiynau Llesiant gyda Mind 11th January 11 Ionaw

Sesiynau Llesiant gyda Mind (Cwm Taf Morgannwg)

Mae'r sesiynau yma'n archwilio ystod o bynciau iechyd meddwl a lles a byddan nhw'n rhoi gwahanol strategaethau ac offer i'ch helpu chi i reoli eich teimladau

Mae manylion cynnwys y sesiynau, dyddiadau, amseroedd a lleoliadau yn RhCT i'w gweld yn y rhestr isod:

Gweithdy gorbryder a straen

Archwiliwch ddealltwriaeth ddyfnach o'r hyn sy'n achosi gorbryder a straen.  Mae pobl dan straen yn profi symptomau meddyliol a chorfforol, fel anniddigrwydd, dicter, blinder, poen yn y cyhyrau, trafferthion treulio ac anhawster cysgu.

Mae gorbryder, ar y llaw arall, yn cael ei ddiffinio gan bryderon parhaus, gormodol sydd ddim yn diflannu hyd yn oed yn absenoldeb straen.  Byddwn ni'n defnyddio technegau i'n helpu i wella ein lefelau o orbryder a straen, mewn amgylchedd tawel a chyfeillgar.

Gweithdy Iselder

Archwiliwch wahanol agweddau o iselder.  Dewch i weld sut mae'n effeithio arnon ni, dysgwch dechnegau anadlu dwfn, cwisiau ac astudiaeth achos.  Bydd yr amgylchedd yn un cyfeillgar, hamddenol.

Gweithdy cwsg

Mae 7.5 miliwn o bobl yn y DU yn cael 5 awr neu lai o gwsg.  Byddwn ni'n edrych ar yr achos sylfaenol a'r atebion, wrth ddysgu sut i ymlacio a gwella ansawdd eich cwsg.

Gweithdy Bwyd a Hwyliau

Archwiliwch y berthynas rhwng yr hyn rydych chi'n ei fwyta a sut rydych chi'n teimlo.  

•            Teimladau Cadarnhaol, Meddwl Cliriach, Mwy o Egni a Hwyliau Tawelach