Mae'r trên yn cynnig nifer o gyfleoedd i ddarganfod llwybrau golygfaol yn y Cymoedd a Bro Morgannwg.
Fel rhan o'n menter 'Cymunedau Cysylltiedig', nod ein teithiau cerdded lles yw rhoi hyder i bobl nad ydynt efallai'n teithio’n rheolaidd i fwynhau taith gerdded hamddenol o un o chwe gorsaf ar y rhwydwaith.
Bydd aelodau o dîm Rheilffyrdd Cymunedol Trafnidiaeth Cymru yn cyd-fynd â'r holl deithiau cerdded a gellir eu trefnu ymlaen llaw drwy e-bostio [email protected]
Dyma rai o’r cyrchfannau sy’n rhan o’r rhaglen:
- Taith gylchol o Aberdâr i Barc Aberdâr
Cyrchfan: Gorsaf Aberdâr
Pellter: 2.6 milltir
Hyd: 1½ awr
Taith gerdded hamddenol o orsaf reilffordd Aberdâr trwy ganol y dref i Barc Aberdâr. Mae'r daith gerdded ar balmentydd ac yn wastad gan amlaf ar wahân i ran lled serth o ganol y dref i'r Parc.
Darganfyddwch fwy am Barc Aberdâr yma
- Taith gylchol Ynys y Barri
Cyrchfan: Gorsaf Ynys y Bari
Pellter: 2.8 milltir
Hyd: 1½ awr
Taith gerdded hamddenol o orsaf Ynys y Barri o amgylch Bae Whitmore gyda golygfeydd ar draws Môr Hafren i Wlad yr Haf a Gogledd Dyfnaint. Mae'r daith gerdded ar balmentydd neu darmac gyda rhywfaint o lethrau.
Darganfyddwch fwy am Ynys y Barri yma
- Taith gylchol Bae Caerdydd
Cyrchfan: Gorsaf Bae Caerdydd
Pellter: Hyd at 2.8 milltir
Hyd: 1½ awr
Taith hamddenol o orsaf reilffordd Bae Caerdydd i Ganolfan Mileniwm Cymru, Adeilad y Pierhead, y Senedd, Cofeb Capten Scott a golygfeydd ar draws y Morglawdd i Benarth.
Mae'r daith gerdded ar balmentydd neu darmac heb unrhyw lethrau sylweddol.
Dewch i ddarganfod mwy am Fae Caerdydd yma
- Taith gylchol Parc y Rhath
Cyrchfan: Gorsaf Lefel Isaf Y Mynydd Bychan
Pellter: 2.5 milltir
Hyd: 1½ awr
Taith gerdded hamddenol o orsaf Lefel Isel Y Mynydd Bychan i Barc prydferth y Rhath; taith gerdded 10 munud i lawr yr allt o'r orsaf.
Mae'r Parc yn cynnwys llyn 30 erw lle gall ymwelwyr weld sawl math o adar, Cofeb Capten Scott a’r Ardd Fotaneg.
Mae'r daith gerdded ar balmentydd neu darmac ac yn wastad o amgylch y llyn. Mae gan y ffordd yn ôl ac ymlaen i’r orsaf reilffordd lethr lled serth am bellter o tua 400 metr.
Darganfyddwch fwy am Barc y Rhath yma
- Taith gylchol glan y môr Penarth
Cyrchfan: Gorsaf Penarth
Pellter: 1.7 milltir
Hyd: 1 awr
Taith gerdded hamddenol o orsaf Penarth i'r pier a'r promenâd gerllaw. Mae'r daith yn cynnwys Parc Alexandra, Pier Penarth a'r promenâd gyda golygfeydd ar draws Môr Hafren i Ynys Ronech ac Ynys Echni.
Mae'r daith gerdded ar balmentydd neu darmac ac i lawr yr allt am yr hanner milltir gyntaf o'r orsaf.
Mae'r daith gerdded ar hyd glan y môr yn wastad. Wrth ddychwelyd i'r orsaf, mae gan y llwybr troed sy'n arwain trwy'r parc lethr gymedrol i serth (mewn rhannau) am hanner milltir
Darganfyddwch fwy am Benarth yma
- Gwarchodfa Natur Fferm y Goedwig a Chamlas Sir Morgannwg
Cyrchfan: Gorsaf Radur
Pellter: 2.8 milltir
Hyd: 1½ awr
Taith gerdded hamddenol o orsaf reilffordd Radur ar hyd Llwybr Taf i Warchodfa Natur Fferm Y Goedwig a Chamlas Sir Forgannwg.
Mae'r daith yn cynnwys y gored a gwaith trydan dŵr Afon Taf, ymweliad â chuddfannau adar a’r llwybr ar hyd camlas hanesyddol Sir Forgannwg.
Mae'r daith gerdded gan fwyaf ar wyneb tarmac neu arwyneb caled gydag ambell i ardal fwdlyd yn ystod tywydd gwlyb. Mae'n wastad ar wahân i'r rhan fer o orsaf Radur, ar draws pont yr afon at Lwybr Taf.
Darganfyddwch fwy am Warchodfa Natur Fferm y Goedwig yma
Gwybodaeth allweddol
- Mae teithiau cerdded ar gael i sefydliadau sy'n cynnig cymorth i unigolion yn y gymuned ac mewn grŵp o hyd at 15 o bobl
- Rhaid i gyfranogwyr fod yn aelodau o'r grŵp cymunedol sy'n dymuno cymryd rhan
- Rhaid i bob grŵp eu cynrychioli ai hebrwng gan eu cynrychiolydd / cydlynydd swyddogol yn ystod y daith trên a cherdded
- Mae teithio ar drên yn rhad ac am ddim yn y ddau gyfeiriad
- Arweinir bob taith gerdded gan gynrychiolwyr o Dîm Rheilffordd Gymunedol Trafnidiaeth Cymru
- Mae gan bob trên le penodol ar gyfer dwy gadair olwyn
- Mae pellteroedd a hyd y teithiau cerdded yn fras a gellir eu haddasu yn ôl y galw
- Anogir cyfranogwyr i wisgo esgidiau priodol a bod yn ymwybodol y gall tywydd newid yn ystod y daith gerdded
- Mae’n bosib i deithiau cerdded newid oherwydd tywydd garw neu am resymau gweithredol
- Am fwy o wybodaeth, e-bostiwch Danielle [email protected]